年尾啦！

你哋屋企会唔会

有好多外地嘅姨妈姑姐来玩？

佢哋喺度大家都知

会好中意问三问四

关心你嘅学业或者工资

呢D都係老生常谈啦

送走佢哋嘅时候

係最快乐嘅时光

不过两手空空

又点好意思请佢哋走？

呢种时候都要买d广东特产

俾佢翻去用来晒

可乐君喺某超市嘅

货架面前

愁咗好耐

买咩好？

↓

蛋卷

对于本地人来讲

蛋卷肯定係日常嘢

但算係广东嘅特产咩？

唔好理

总之就好好食

每年过年都可以一个人

食晒一罐嘅程度

呢种迷你嘅小包装

就最啱送俾

减紧肥嘅表妹

好食又唔会分量太多

绝配！

崩砂

有同事问究竟崩砂

同有咩分别

虽然百度出来嘅结果

都係咁上下

不过一般只有薄脆个种

先叫牛耳仔

崩砂係厚身嘅

係咁↓

呢种一旧接一旧咁食

好容易会停唔住口

最啱就係买俾d多嘴八姑

可以塞住佢把口！

而且劲热气！

佢好快就会上火！

杏仁饼

算係中山或者澳门特产

不过佢其实都

可以算係岭南地区嘅特产

来广州带一盒

都唔过分

呢种华丽嘅包装

加上实在嘅粒粒杏仁

好啱送俾

喺外国翻来探亲嘅远房表哥

衬得起佢嘅高贵气质

腐乳饼

虽然食起身好似五仁月饼

不过其实係两样嘢来

腐乳饼入面嘅味道

来自于加入嘅南乳同蒜头

味道真係好有特色

唔係一般人可以接受到！

朴实嘅外表

加上独特嘅香味

送俾边个亲戚好？

梗係要俾专门

喺外地翻来过年嘅三姨丈啦！

鸡仔饼

鸡仔饼绝对係

可以喺广府手信入面

排名好前嘅一种

外地人可能会问你

“点解鸡仔饼冇鸡？”

可以答佢“老婆饼冇老婆”呢个旧gag

鸡仔饼咁经典嘅广东嘢

当然係要留俾

来广东作客嘅北方亲戚

例如係跟表姐翻来

来自东北嘅表姐夫一家

炒米饼

歌仔都有得唱啦

“氹氹转菊花园炒米饼糯米团”

特产又点少得炒米饼！

香甜又襟食

特别係市场买个种

又硬又难咬

一只可以食好耐

咁啱用来打发时间嘅炒米饼

要俾好得闲嘅亲戚先得

送俾啱啱过完五十大寿

日日喺屋企等收租嘅

七姑丈就啱啦！

马仔

其实同萨其马差唔多

不过呢种传统马仔

质地会更加结实

而且一大旧嘅包装

自己一个都好难搞得掂

咁接地气嘅包装

咁大块嘅设计

梗係要送俾

屋企有五六七八个孙嘅

四姨婆啦

以上呢几款

可乐君都係有D搞gag成分嘅~~

而且广东特产又边止咁少？

你哋一般会选择

边种特产买俾亲戚

或者係外地来玩嘅朋友？

仲有好嘅idea

要留言同大家share啊~

图片、编辑：zhangxiaoli

官方







































白癜风诊疗指南
CCTV品牌影响力采访刘云涛